Nëse sot kaluat nga bulevardi i Vlorës dhe menduat se kishit hyrë gabimisht në një kantier ndërtimi, mos u shqetësoni... nuk ishit vetëm.
Një rrul u pa duke qarkulluar në mes të ditës, mes automjeteve, duke bllokuar trafikun dhe duke i detyruar drejtuesit e mjeteve të bëjnë durim. Sikur të mos mjaftonte kjo, mjete të tilla të rënda rëndojnë edhe mbi asfaltin, duke dëmtuar infrastrukturën që më pas paguhet sërish nga taksapaguesit.
Përveç vonesave që krijojnë, lëvizja e mjeteve të rënda në oraret e pikut shton edhe rrezikun për aksidente, sidomos në një nga akset më të frekuentuara të qytetit.
Pyetja që shtrojnë qytetarët është e thjeshtë: A nuk mund të lëvizin këto mjete gjatë natës ose në orare me më pak qarkullim?
Sepse, me këtë ritëm, nuk është çudi që nesër në bulevard të shohim edhe një eskavator që pret semaforin jeshil. 🚜😄
