Një qytetare ka ngritur shqetësimin për mungesën e vëmendjes ndaj fëmijëve në plazhin e Zvërnecit.

Ajo pretendon se vetëm gjatë paradites së sotme janë humbur tre fëmijë të moshës 4 deri në 6 vjeç.

Sipas saj, rasti më shqetësues ishte ai i një djali 4-vjeçar, i cili ishte i frikësuar dhe i rraskapitur. U desh më shumë se një orë kërkim nga pushuesit dhe policia, derisa fëmija u ribashkua me prindërit.

Qytetarja u bën apel prindërve të lënë telefonat dhe bisedat mënjanë dhe të mos i humbasin fëmijët nga vëmendja as për pak çaste.