Të shtëna me armë zjarri janë regjistruar në fshatin Gjorm të Kurbinit, ku një 22-vjeçar ka mbetur i plagosur. Sipas informacioneve paraprake, i riu është qëlluar me armë zjarri në rrethana që ende nuk janë sqaruar. Pas ngjarjes, ai është transportuar me urgjencë drejt Spitalit të Traumës në Tiranë, ku po merr ndihmën e nevojshme mjekësore. Policia ka mbërritur në vendngjarje dhe ka nisur hetimet për të zbardhur dinamikën e plotë të incidentit, si edhe për të identifikuar autorin ose personat e përfshirë. Deri më tani nuk janë bërë të ditura motivet që çuan në përdorimin e armës së zjarrit, ndërsa hetimet vijojnë.