Punonjës të administratës së Bashkisë Klos kanë dalë në protestë këtë të premte, duke kundërshtuar propozimin e mazhorancës për Reformën Administrativo-Territoriale, i cili parashikon shkrirjen e bashkisë.
Protestuesit shprehen kundër përfshirjes së Klosit në hartën e re territoriale dhe kërkojnë që bashkia të ruajë statusin aktual.
Administrata ka paralajmëruar se protesta nuk do të jetë e vetmja dhe se mobilizimi do të vazhdojë deri në rishikimin e vendimit për shkrirjen e bashkisë.
Klosi është një nga 15 bashkitë që, sipas projektligjit të propozuar nga mazhoranca, parashikohen të bashkohen me njësi të tjera vendore në kuadër të reformës së re administrativo-territoriale. Propozimi vijon të jetë objekt debatesh politike dhe reagimesh në disa prej bashkive të prekura.
